創動力文章分享之一: 我是ANNIE! 多多指教!

好開心成為< 創動力媒體>專欄的其中一員, 大家好, 我叫做ANNIE, 是一位多功能的化妝師和化妝培訓導師+市場推廣人員+摩登大妗姐+WEDDING PLANNER媽咪+BLOGGER+品牌代言人等等…

唔好俾我好似好多功能既身份「嚇親」…其實簡單啲講, 關於扮靚既任何問題, 都可以找我問㗎! 而咁多重身份,都係興趣驅使我嘅,有機會希望同大家可以分享多啲。

而我同< 創動力媒體>嘅緣份, 就要係舊年11月份受到邀請出席節目《High Tea》嘅嘉賓,分享一下寫BLOG同扮靚嘅心得。可能覺得我有料? (哈,自我陶醉中)… 而今次就喺網上嘅渠道同大家分享一吓我嘅扮靚/化妝/寫blog/湊仔既心得嘅。

話哂「第一炮」,就同大家講吓故仔先:從前,有個女仔,學親任何課程都「半途而廢」 學親所有野都冇哂影,直至當佢出左嚟工作,覺得做嘢嗰時, 悶悶地不如搵啲嘢學吓,就去左學化妝;當然,由於佢已經出左嚟做嘢, 所以學費係佢自己「一力承擔」,當時,係2003年,香港爆發沙士嘅一年….我記得,當時,上課是係帶口罩。

 

大家都應該知道,個女仔就係我,當年我攞住一擔「傻勁」加「心口掛個勇字」, 開始了一個「返唔到轉頭」嘅學習生涯,其實我到咗今日仲上緊同化妝有關連嘅課程。點解化妝嘅學習生涯係「返唔到轉頭」呢?咪係因為金錢同時間囉!你要不停咁付出金錢去買化妝品,化妝工具,而且仲要去學髮型,特技化妝課程,而你嘅收入,永遠同支出係不成正比。所以我記得當年同我一齊學化妝嘅朋友,而家好多都已經係呢個化妝行業「消聲匿跡」,當然有好多已經好成功好出名,月入好高,呢班高收入既人大多有咩「共通點」? 當然一定要「勤力」。而家太多人想「一步登天」,唔付出便希望收穫, 我可以同你講:如果你有這心態, 對唔住!請你唔好浪費你嘅時間, 因為化妝所付出既努力, 係要時間去浸淫既; 我都放了很多金錢、時間、心態調整,仲要「抵得諗」:早起身、守時、謙虛、人際關係網絡…等等等等……至才有今日嘅少少成績。而且而家仲要好大嘅競爭, 多咗人一齊做化妝,你有咩"selling point"客人會搵你呢?價錢合理嗎?口碑如何? 真係要好好諗清楚!

當然,有好多朋友都係想單純咁想同自己或朋友扮靚嘅.....冇問題㗎!可以找我傾傾㗎!:p

講返我既化妝「生涯」先, 最開心莫過於攞獎啦! 我係2004年得到Beauty Square既化妝比賽冠軍人馬黎架!當年當扮獎嘉賓叫我個名,話我係冠軍既時候, 腦海真係一片空白! 我仲好似多謝漏左人添!

當時我個Model 既Before 同After

而家睇返真係覺得個妝「嚇親人」呀!

當時真係冇諗過會勝出㗎! 好多謝大會呀!

今次暫時分享到呢度先, 之後再同大家分享我近來的化妝培訓工作吧!

聯絡我: Email住址會使用灌水程式保護機制。你需要啟動Javascript才能觀看它
FACEBOOK FANS PAGE: https://www.facebook.com/AnniesMakeupStation
微博: http://weibo.com/princessannieyy

睇返的相, 覺得自己當時好Young呀.......

版權所有©2013 創動力媒體 Dynamix