慶幸自己生長係一個"有童年"嘅年代,每日做完功課,就可以瞓晏覺畫公仔睇卡通片。

我相信,90年代嘅卡通片,一定係最精彩最好睇嘅。
美少女戰士,新魔神英雄傳,四驅兄弟,長腿叔叔等等等都係我心中留底左一個好重要嘅位置。

而當唔少女同學夢想成為美少女戰士嘅時候,我就希望可以變成佢--一隻粉紅色嘅豬 --寶妮



呢套卡通片叫做《飛天少女豬事丁》,
係講一個女仔遇上魔法豬仔變身成為英雄豬
只要幫人儲珍珠到一百粒,就可以變成心目中美女英雄

雖然寶妮係一隻肥肥白白嘅豬,有時候仲會撞下板俾人扣咗啲珍珠
但因為佢心地善良,周圍幫人,個個都好鍾意佢
(我都好鍾意佢㗎,鍾意到試過發夢變身做寶妮呢XD)



所以,我相信㗎,就算我唔夠靚,只要心地善良,個個都會願意同我做朋友

最後送《上愛心一百次》俾大家,希望大家嘅內心可以成為另一個寶妮啦!
主唱: 戴恩玲 作曲:片岡嗣實 編曲: 填詞:李敏

粉紅粉紅趣緻的臉
我叫一聲即可飛上天
赤色絲巾圍在肩
凝望鏡盒身體會變

隱藏隱藏少女的臉
我對他不可講出半點
蘋果圓被 氹氹轉
太多珍珠怎計算

也許豬的身體不優美
長鼻短短尾
但是別人不可天空裡高飛

是我心 無限的純真
珍珠珍貴像信心
使我極動人異常吸引

願你知 勇敢的孩子
應該加點真意和誠意
愛心不止一百次

一身好本領和才智
愛心不只一百次

Credits:

圖片由作者提供

版權所有©2013 創動力媒體 Dynamix