
「伏係拎黎中既,之不過每次都有你份je!」呢句說話,係某個人成日同我講。
根據過往統計,每十個伏我會中八個伏。以前開學,每次都係學校門口仆低,冇原因架,可能係個天唔鍾意我。又試過,食麵食到落底至見到有隻蟲仔係到。或者...我有特別既中伏技巧。
不過,我依然會係伏味甚重既香港找尋當中既樂趣。
一直都想學整蛋糕架啦,不過冇時間之餘,出去上堂真係俾人宰到一頸血。
咁岩有一次,我朋友話見到個團購優惠好平,百幾蚊一堂,於是我捨命陪君子,有伏齊齊中,大搖大擺學整鬆弛熊卷蛋。
點知,平野真係有好野架!

一黎就話要先畫鬆弛熊,對於美術拎E既我有D難度,好彩都OK。
畫完之後,就要擠Cream。由於上堂既人,大部分都係第一次上堂,整顏色Cream會用太多時間,而且有一定難度,所以導師預先為我地預備好黑色、黃色、白色既Cream,既方便又省時。

除左擠d眼仔之外,仲可以寫字。擠Cream時,不可以擠太厚或太薄,又唔可以擠得太大,如果唔係會走樣,好似整容失敗咁,真係好考功夫,擠到手都震埋。
其實擠Cream同攪麵粉時,真係有一定困難。我諗住團購優惠買既堂,d導師應該都會求求其其,唔會理你,我都疊埋心水失敗收場!點知,導師係會走過黎親自幫你,仲要清晰指導,有D Step你做唔到既,佢幫你整,我今次完全覺得自己係執到寶!

出爐LU~~~~~~~~好香!!冇燶到!!!成功~~~(係個樣歪左少少)
攤凍左之後,搽埋厚厚朱古力Cream就可以捲啦!!

唔好以為好易捲!其實整卷蛋最難就係最尾捲埋個下!一失手,佢就會頭爆Cream流,我眼見好多學員都整到爆曬!好彩我有導師幫手,至力保不失!成功帶左佢返屋企Lu,仲要開開心心食到LamLam脷。
今次經歷話我知,平野唔一定冇好野,只係睇你好唔好運je!
我終於有一次冇中伏啦!
Credits:
圖片由作者提供
[ 您可能對以下有興趣 ]
- 網台節目
- [自作業] 一件有趣的嬰兒禮物 - 老太婆尿片蛋糕專家
- [企業軟實力] Facilitation讓會議及策略規劃變得精彩
- 專欄文章
- [Annie的情感天地] 霖霖四歲慶生全記錄
- [人間暖笠笠] 蛋糕與情誼
- [彩色樟木櫳] 生日會
- [餐桌上的故事] 過去的那片蛋榚
- [餐桌上的故事]蛋榚誘惑
- [Annie的情感天地] 有意義的化妝導師工作
- [半百人生] 導師唔易做
- [半百人生] 想和做
- [半百人生] 改變一生的課程
- [半百人生] 由廚師到sales到導師
- [學。健。表現全接觸] 十宗罪之一:使用”純野外技術導師”帶領領導力發展和組織變革
- 影像節目
- [社聯頻道] 西貢區獲世衛確認「全球長者友善城市及社區」
- [社聯頻道]尊重長者意見 共建友善社區
- 此文章之主持/專欄作家介紹:卡Ka乜嘜物
一個愛吃、愛玩、愛追星、愛刺激、愛購物、愛小便宜的「肥妹」,曾經是一名售貨員,賣過靚衫、賣過化妝品、謢膚品,現在是坐在辦公室內的Small Potato。
我只有無雕飾、最真摰的文字,沒有半點假仁假意,帶你看盡天下。
喜‧怒‧哀‧樂,是我的世界,How about you!?













