
日本拉麵風吹襲香港都有一兩年時間,當初個個都話自己走在潮流既尖端,然後又一窩蜂走去食一蘭、豚王。
根據我多年中伏經驗話我知,越出名既多數越「伏」…

有次我打算食一蘭架,但見到個條人龍,我已經掉頭走!但我又好想食拉麵,咁岩經過景隆街,見到有間舖頭,門口細細,掛住竹簾,我就亳不猶豫走入去啦!(我當時相信係個天彌補我食唔到一蘭既失望)
一行入去,一陣香味撲鼻而來:「IRRA SHAI MASE」
入面既設計同日本既拉麵店裝修一模一樣,我地只可以坐Bar枱,係望得見廚房架!
如果我冇記錯,佢係得一款拉麵。佢標榜湯底唔加味精,只用豬骨熬出黎,
我就望住佢倒左成盤豬骨入壓力煲,然後再係入面倒d湯出黎。
食拉麵,我一向都覺得最重要就係隻蛋,其次係湯底同麵,有冇叉燒對我黎講係冇所謂,不過,有得揀就緊係唔要肥肉啦!
拉麵一到,佢隻蛋係最吸引我,隻溏心蛋係好鮮艷既橙色,蛋白係暖既,蛋黃係流心,有少少凍,一暖一凍,真係冇得頂!
湯底唔飲唔得,一飲係停唔到口,三個字講曬:「香、濃、正!」
麵同叉燒爽口彈牙,成個拉麵都配合得天衣無縫!最重要既係,飲曬成個湯,都唔會口渴,只會想一飲再飲,簡直係繞「舌」三日。

「新屎坑」都有三日香,咁我都唔執輸,試埋其他出名既拉麵店!唯一最唔鍾意次次都排長龍,次次都要排到佛誕,由肚餓等到唔肚餓。
呢間拉麵,當年風靡幾多潮人日夜排隊,由於佢係24小時營業,真係24小時都有人排隊架。但我認為,同想像中既「好好味」,真係差爭好遠,湯底太油,味精太重,食完勁口渴。而佢隻蛋,係最令我失望,原隻熟蛋上枱,仲要凍冰冰,咬開隻蛋,又冇流心效果。

另外我仲試過以上四間,傳說中既豚王(右下)真係唔差,湯底多選擇,仲要有我最愛既芝士,鍾意試新野既你,絕對可以一試,唯獨最不滿意既係,湯底太「漏」,食到一半就唔想再食。(仲要冇我最愛既蛋蛋)
鍾意食肥肉既你,就可以試味吉(左下)同武藏麵屋(右上),如果係追求完美湯底既,你就唔洗試啦!
博多拉麵(左上)對我黎講,完全係不值一提,唔好以為個湯底好夠味,其實食落同飲水一樣,塊叉燒好似樹皮…隻蛋…你都睇到啦,我諗唔需要多講。
對你黎講,食拉麵最重要係咩呢?
Credits :
圖片由作者提供
[ 您可能對以下有興趣 ]
- 網台節目
- [自作業] 一件有趣的嬰兒禮物 - 老太婆尿片蛋糕專家
- 專欄文章
- [Annie的情感天地] 霖霖四歲慶生全記錄
- [人間暖笠笠] 蛋糕與情誼
- [半百人生] 半底雞蛋仔
- [卡Ka乜嘜物] 這幸福的碎片 要我怎麼撿
- [卡Ka乜嘜物] 阿茂整餅
- [彩色樟木櫳] 一次過滿足你三個願望
- [彩色樟木櫳] 吃雞蛋的方法
- [彩色樟木櫳] 復活蛋
- [彩色樟木櫳] 我和蛋撻的故事
- [彩色樟木櫳] 扭蛋
- [彩色樟木櫳] 生日會
- [餐桌上的故事] 一個月餅
- [餐桌上的故事] 過去的那片蛋榚
- [餐桌上的故事]甜在心
- [餐桌上的故事]蛋榚誘惑
- [彩色樟木櫳] 增肥之選
- [彩色樟木櫳] 零用錢
- [鄉師自然學校] 跑二十圈換一塊麵包,值得嗎?
- [長者安居協會] 《社會創新.麵館》
- 影像節目
- 暫時沒有相關資訊
- 此文章之主持/專欄作家介紹:卡Ka乜嘜物
一個愛吃、愛玩、愛追星、愛刺激、愛購物、愛小便宜的「肥妹」,曾經是一名售貨員,賣過靚衫、賣過化妝品、謢膚品,現在是坐在辦公室內的Small Potato。
我只有無雕飾、最真摰的文字,沒有半點假仁假意,帶你看盡天下。
喜‧怒‧哀‧樂,是我的世界,How about you!?













