
向豬朋狗友說「不」-某小培
自從我衰咗之後,警方就將個個案交咗畀「新境界」嗰邊嘅姑娘跟進我。本身開頭,我無乜點\講嘢,自己不嬲都係一個幾靜嘅人,但自從我識到「新境界」嘅人之後,我開始多嘢講咗,個人都開心咗,社工佢哋亦都令我有好大嘅改變。以前嘅我,成日無返學,因為受朋友影響,所以我中二已經退咗學,日日出去蒲,同埋啲背景無咁好嘅人日日去流離浪蕩,仲試過破壞公物、打架、同埋吸毒,搞到要入差館。不過其實我覺得自己已經好好彩,未試過入去坐監,而我班朋友就好多都入咗去坐,所以我已經無再搵佢哋嘞。我嗰時除咗咁之外,仲會成日都唔會返屋企,而且成日同屋企人嗌交。但係自從我衰咗之後,我已經慢慢開始遠離呢班人,因為我知道咁樣落去我將來都唔會好,同佢哋一齊玩係會無前途。其實我都覺得自己改變咗好多,我個人無咁怕羞嘞、樂觀咗、已經無再同班壞人玩。
我衰完之後,開始諗自己有乜嘢理想,知道自己將來想做邊行,而我依家都開始讀緊啲課程。人生都變咗唔少,我覺得自己幾好彩,因為我覺得人唔跌過,係唔會識得驚。我自己就驚過一次,亦都唔會有第二次發生。雖然我無同嗰班人玩真係少咗好多朋友,但係起碼自己身邊嗰啲唔係豬朋狗友先啦,不過呢,真係要好多謝「新境界」嗰邊啲人同埋社工,因為佢哋真係幫咗我好多好多,同埋佢哋教咗我好多嘢,多謝你哋「新境界」嘅員工。仲要多謝「歧路同途」嘅mentor和一班朋友仔,最緊要嘅梗係要多謝社工姑娘啦,我會好好做好自己,俾心機讀好個課程嚟報答佢哋。
社工回應: 寧缺勿濫
人生每個階段都需要朋友,可以是玩伴、用作解悶,但也可高層次至互相分擔/分享苦與樂、互相鼓勵共建理想。而年青人多追求是「無論自己對與錯,對方都撐自己撐到底」的死黨,其實這也是成年人所嚮往的;只是年青人有時為了死黨、為了「埋堆」而妄顧後果;而有時則是因有死黨相伴而放膽任意妄為。
其實,朋友也分不同層次,有點頭之交,也有萍水相逢的朋友;而相處越多,就越有潛移默化的影響;年青人最緊要認清自己方向,勿隨波逐流;能遇上與自己有相近目標的知己朋友是幸運,如未能遇上,就寧缺勿濫。
[ 您可能對以下有興趣 ]
- 網台節目
- [自作業] 失敗與成功的差別
- [壹週創動力] 人生需要改變
- [香江巨輪] 「小龍女」影視藝人 陳玉蓮小姐
- 專欄文章
- [敢露。筆敢言] 不能回家的女孩
- [敢露。筆敢言] 每事兩面睇-阿肥
- [敢露。筆敢言] 網誘.莽友-菜湯
- [彩色樟木櫳] 失敗的朱古力
- [糖書] 生命乃從一連串失敗而組成
- [Happy Hippes] 人到底甚麼時候要變
- [Happy Hippes] 十件會使你人生改變的事
- [半百人生] 改變一生的課程
- [半百人生] 理智與感性
- [半百人生] 那一年難忘的冬天
- [學。健。表現全接觸] 十宗罪之六:混淆了開心興奮相等於改變
- [彩色樟木櫳] 新年新目標
- [心靈補充包] 「內疚」與「改變」
- [心靈補充包] 「笑話」與「真話」
- [敢露。筆敢言] 做錯之後清醒的過來人
- [隨心賞樂] Imagine - John Lennon
- 影像節目
- 暫時沒有相關資訊
- 此文章之主持/專欄作家介紹:香港遊樂場協會「新境界」社區支援服務計劃
香港遊樂場協會「新境界」社區支援服務計劃於2001年9月成立,為居於東九龍區而正接受警司警誡計劃的青少年及其家長提供全面性支援服務。「新境界」是寓意接受「警誡」和輔導後,能重新認識自己,作出自我改善和建立積極生活態度,最終達致「新境界」。













