冬日潔面五步曲

天氣越黎越凍,皮膚都開始乾,又要換過全部護膚品。一次過換,對於月入萬四以下既我,又真係幾貴。

不過,由於我之前都賣過一陣子護膚品,都知邊D平價產品好用,全部換曬都只係$500內既事,生活於貧窮線底下既我,完全覺得係恩典。

先講一下,我係屬於混合性偏乾,敏感性肌膚,所以我揀既都冇香料。

冬天我主張用潔面泡沫,唔用洗面奶。我用過部分洗面奶,都好重香料,而且太油好容易起粒粒。

Curel潔面泡沫同爽膚水都係為敏感性肌膚而設,冇香料成份。

泡泡密度好高,容易深入毛孔清潔,而且滋潤肌膚,用後唔會緊繃。

爽膚水用法簡單,唔洗用化妝棉,我只係倒少量係手心,再輕輕拍上臉,數下就全吸收,肌膚清爽依然。

冬天紫外線較少,係美白好時機。

我選用韓國品牌九朵雲(Cloud)美白精華,用數次已有明顯效果。

佢呈Cream狀,較為杰身,相比其他同類型產品,佢比較潤。至少我用完,塊面唔會「絕住」,亦唔會乾。(冬天最忌用整乾塊面既護膚品)

面霜就用韓國爆水神器(Doctorcos)第三代,出品超級補濕,冬天必備。

之前兩代係面膜,到第三代就係面霜,對於懶得敷面膜既我,絕對係恩物!

最緊要佢只要用少少就夠,圖中手上個Pat,都已經多左,用太多就好油!

 

搽到下巴時候,不妨向左右兩邊推至淋巴位,可以去水腫,下巴會尖D!

最後一步就係搽眼霜。

眼霜我係用法國品牌Caudalie,主打天然成份,內含葡萄籽精華,可抗老化,著重滋潤去眼紋,減浮腫。

如圖示,眼霜半透明,較潤。

對我而言,效果一般,只有去眼紋功效,浮腫問題冇乜改善。

其實爆水神器第三代都有眼霜,等我用完支Caudalie再分享用後感啦!

Credits :

圖片由作者提供

此文章之主持/專欄作家介紹:卡Ka乜嘜物
一個愛吃、愛玩、愛追星、愛刺激、愛購物、愛小便宜的「肥妹」,曾經是一名售貨員,賣過靚衫、賣過化妝品、謢膚品,現在是坐在辦公室內的Small Potato。 我只有無雕飾、最真摰的文字,沒有半點假仁假意,帶你看盡天下。 喜‧怒‧哀‧樂,是我的世界,How about you!?

版權所有©2013 創動力媒體 Dynamix