3D拉花咖啡最近好流行,鍾意試新野既我,點會唔試呢!?

3D拉花最出名既CAFÉ,絕對非呢間莫屬…

Karena Café開業短短數個月時間,憑3D拉花咖啡聞名全港九,好多人都慕名而來,我就係其中一個。(其實我都係叫Karena)

貓貓拉花係Cappuccino,三眼仔拉花係Chococino。

佢既拉花咖啡有White同Color分別,左手邊係White,大約50蚊,右手既係Color,大約60蚊。

 

咖啡師傅係隨心所欲,拉出唔同形狀既公仔,但由於我唔太鍾意三眼仔,所以我好狠心劈左佢個頭。(我眼見隔離枱杯咖啡有4隻拉花公仔,有藍色大笨象!)

 

隔離枱兩位小姐見到呢個情況,佢地好大聲,好驚訝咁同我講:「你做乜劈佢個頭呀?」

我笑而不語,心諗:「唔劈佢個頭,點飲呀?」

 

我滿懷歡喜吞左落肚,泡泡如我所料,冇味。

而且Chococino既味道好淡,甚至我覺得M記既朱古力更好飲。

 

Cappuccino亦不外如是,入口後只有淡淡一陣甘香,數秒後淡如水的味道。

如果你係咖啡狂迷的話,咁就冇光顧既需要。

 

當然,若果醉翁之意不在酒就無所謂,但站在我立場而言,實在貴得不切實際。

 

同場加映:

 以前係新蒲崗返工既時候,有間川菜好好食,佢既豬頸肉菜飯係我既大愛,每日食極都唔厭。

 

豬頸肉香脆爽口夠Juicy!

加埋佢既辣汁撈飯,絕對人間美食。

佢係我心目中,已經係米芝蓮級別。

至少,佢係我食過既豬頸肉菜飯中,最好食既一間。

此文章之主持/專欄作家介紹:卡Ka乜嘜物
一個愛吃、愛玩、愛追星、愛刺激、愛購物、愛小便宜的「肥妹」,曾經是一名售貨員,賣過靚衫、賣過化妝品、謢膚品,現在是坐在辦公室內的Small Potato。 我只有無雕飾、最真摰的文字,沒有半點假仁假意,帶你看盡天下。 喜‧怒‧哀‧樂,是我的世界,How about you!?

版權所有©2013 創動力媒體 Dynamix