
韓流襲港都有好幾年時間,女仔著衫要扮韓妹、化妝要似千頌伊,男仔就著衫扮李敏鎬、髮型要都敏俊!
好啦,我都不得不承認自己慢慢以韓妹作為打扮指標,個咀要化咬唇妝,出街要著大褸,連食野都鍾意食韓國野,男朋友都話頂我唔順啦。
今次唔講化妝品同Fashion(Fashion既野,我識條鐵咩),講食野。
最近要減肥,所以都唔敢食太肥膩,但係同沙律經過某間小食店,佢賣既鯛魚燒標榜食材全來自韓國,而且係低脂!低脂喎,韓國喎,緊係食啦!
鯛魚燒有紅豆味同吉士味選擇,我地揀左吉士味,然後我地要等一個鐘,你冇睇錯,係一個鐘。如果我地唔係係附近返工可以做住野等食,我地係唔會等。
拎上手個下,沙律超開心,而我急不及待食啦!青提子沾上朱古力漿,甜上加甜,有得揀的話,我唔想要朱古力漿,但青提子真係好好食。隔離既係低脂乳酪,酸酸地,同提子既清甜平衡返,越食越開胃。
食曬生果同乳酪,之後再食條魚,外脆內軟,冇得彈!說好的吉士呢?係魚尾到呀!
不過唔多吉士醬,有d覺得搵笨…不過好過冇啦!
總分100分的話,我會俾90分,絕對可以有下次!

唔知你地有冇睇過韓國一段片,佢宣稱話呢個係廁所神器,實際上係用一張大膠紙貼係廁所上面,然後不停沖廁同按張紙,就可以將塞左既廁所通返。睇完之後,我超想買個張膠紙。
https://www.youtube.com/watch?v=5l_urgffph0←廁所神器
而家發現Facebook有得買啦!但係….$150一張….而且只用一次。
我睇到之後,心諗..佢係咪食大兩個橙?
$150我買到幾多個廁所泵??????????????
Credit
圖片由作者提供
[ 您可能對以下有興趣 ]
- 網台節目
- 暫時沒有相關資訊
- 專欄文章
- [正能量※讀書會] 峰與谷
- [「點指」教仔咁簡單] 評估貴、不評估更貴
- [半百人生] 無資歷好難生存?
- [感作感為] 小白兔之遇
- [生命的學與教] 生命可貴
- [糖書]輕輕鬆鬆BBQ
- [香港萬歲] 大國標語創意高-3
- 影像節目
- 暫時沒有相關資訊
- 此文章之主持/專欄作家介紹:卡Ka乜嘜物
一個愛吃、愛玩、愛追星、愛刺激、愛購物、愛小便宜的「肥妹」,曾經是一名售貨員,賣過靚衫、賣過化妝品、謢膚品,現在是坐在辦公室內的Small Potato。
我只有無雕飾、最真摰的文字,沒有半點假仁假意,帶你看盡天下。
喜‧怒‧哀‧樂,是我的世界,How about you!?













