上一篇文章簡單介紹了我為何學化妝, 咁今篇又同大家分享咩呢?

當然係同大家講我為何要寫BLOG啦.

都是很單純的想將我嘅化妝工作用文字和圖片去記錄下來, 而我第一篇BLOG文也是寫我的化妝工作的,呢個工作我覺得好好玩,好精彩:

第一篇文章既內容如下: 我學化妝既學校今年有份做halloweeno既化妝(其實只係去打粉底而已~), 而我都有份幫手做左2日job (只係做到星期六咋, 因為我地成1:00am先走得), 不過做野時就唔可以影相, 但係做完就可以影o既, 所以我都去左去玩左一陣~同睇左場show囉~~~

其實我地一路化妝時, 一路都聽到啲人係咁「驚叫」 我地就由5:00pm聽佢地既"尖叫聲"聽到12:00am呀~~ 寫完啦! 而我仲發覺halloween仲係串錯字添....真失禮! (所以Proof Read很緊要呢.....)

呢個經驗很難得, 所以我很珍惜我每一個化妝工作既機會。而且我知道,要成功, 就要付出努力.

我個BLOG都好似我咁多元化,由化妝扮靚、食野情報、生活趣事,到轉變左做產品試用為主, 再加的去EVENT既分享、湊B心得分享、到我既專欄分享等等. 而我被人叫做ANNIE到變左ANNIE MAMA, 對我黎講, 真係好大既轉變.

其實我寫BLOG已經唔覺唔覺8年?嘩! 咁耐真係唔覺……可想而知對一樣野有興趣,時間咁長都冇發覺!

我非常Enjoy寫BLOG既過程既, 而我寫BLOG既原動力係來自我想有好產品/資訊同大家分享 - Sharing is Beautiful! 這心態我到現在也依然存在。不過,其實BLOG界既氣氛已經同我之前寫BLOG個時有好大分別。

我呢?心態還在。只不過,可能冇以前咁單純既分享,因為如果寫產品寫得太好: 有讀者會覺得:「你梗係收左人地錢啦」,所以寫到件產品咁好用。你問我點諗?坦白講:在商言商,雖然收了費用,我都會如實講佢產品既好與壞-只不過我會用「婉轉」啲嘅口吻去報導事情出嚟, 唔會直接指出產品嘅不是。要明白:俾人「兜口兜面」話係一件幾Hurt既事嚟!

所以,如果產品唔啱自己用,唔可以勉強。加上我寫BLOG係自己嘅分享嚟,而且我不嬲都唔會理啲人嘅眼光,只要寫好我嘅BLOG文就可以了。

我個BLOG最大轉變就係生咗小朋友之後,開始由美容嘅分享,變成寫小朋友產品嘅分享。聽講媽媽BLOGGER係幾吃香嘅, 要知道媽咪為佢嘅寶寶選擇嘅所有產品都係希望對佢地嘅小朋友係最好嘅, 我都係!所以我已經忙寫美容化妝分享,再加埋小朋友既產品分享了。 黎緊我都將會有一個非常難得既機會, 係寫blog俾我嘅:係一個邀請我哋一家三口離開香港外遊既機會嚟!有進一步消息, 再同大家家分享吓先.

所以其實只要努力,一定會有人見到嘅!對我黎講,化妝工作如是,湊小朋友如是,寫blog如是。 所以當立定決心後,便一定要向目標前進和努力, 2013年已經過左4份3, 所以要努力多一點了。

下回預告, 真係要同大家分享我近來的化妝培訓工作了.

聯絡我: Email住址會使用灌水程式保護機制。你需要啟動Javascript才能觀看它
FACEBOOK FANS PAGE: https://www.facebook.com/AnniesMakeupStation
微博: http://weibo.com/princessannieyy

圖片由作者提供

逢星期四上載

版權所有©2013 創動力媒體 Dynamix