一到11月就會令我諗起以前讀書去旅行既日子
通告上面永遠都會寫住 – 秋季旅行

無錯, 秋天真係一個好秋節
唔會成日落大雨,有陽光又有微風,唔太凍,真係一流

記得小學一年級,第一次去旅行就係去九龍公園
出發前一晚, 就已經趕住落街買嘢食去旅行食
平時唔買得嘅, 今次全都可以揀
除此之外, 媽媽仲會為我煮咗個神秘餐盒

未出發, 成晚都係度睇住啲嘢食,
真係好想快啲放晒佢哋入口呀!

正因為呢個原因,
好多同學都未去到”食嘢位”
就已經食晒袋入面啲嘢嚕

講返我個神秘餐盒,
好記得第一次旅行打開餐盒,
入面係放滿晒媽媽煎既蜜糖香腸
當時我真係覺得好好味架!

講起都流口水
唔知媽媽仲記唔記得點整呢?

 

逢星期六上載

圖片由作者提供

版權所有©2013 創動力媒體 Dynamix